सोमबार ०८ कार्तिक २०७८

पौष ५ गते प्रधानमन्त्री केपी शर्मा ओलीको सिफारिशमा राष्ट्रपति विद्यादेवी भण्डारीले संसद विघटन गरिन् । पौष ५ गते विघटन भएको संसदलाई फागुणको ११ गते सर्वोच्च अदालतले पुनस्र्थापना गरेको छ ।

सर्वोच्चले संसद विघटन गर्ने निर्णय बदर गरेसँगै विभिन्न खालका प्रतिक्रिया पनि सार्वजनिक भैरहेका छन् । नेपाली चलचित्रका केही कलाकारले पनि यो बिषयमा आफ्नो भनाई राखिरहेका छन् । कलाकार दीपकराज गिरीले भने यो फैसलालाई कसैको जीत र हारको रुपमा हेर्न नहुने बताएका छन् । दीपकले लेखेका छन्–‘यो जीत कस्को ? यो हार कस्को ? यसरी सोच्ने वुद्दि कसैमा पनि नआओस् नत्र दल र नेताहरुले त जित्लान्, देशले हार्नेछ ।’

दीपकले सर्वोच्चको फैसलालाई जीत र हारको रुपमा हेर्नु भन्दा पनि अब सबै जना मिलेर देशलाई समृद्धीको बाटोमा लैजान आवश्यक रहेको उल्लेख गरेका छन् ।


Last Updated on: February 24th, 2021 at 8:35 pm
५५२ पटक हेरिएको

तपाईको प्रतिक्रिया